Aquesta pagina presenta la tièra de las foncionalitats màger d'AbulEdu.
Abans de començar, cal saupre qu'aqueste projècte nasquèt dins l'associacion ABUL lo 21 de novembre de 1998 a la seguida d'un corrièl de Jean Peyratout que demandava d'ajuda per “equipar son escòla”…
Dempuèi, las foncionalitats s'enriquiguèt e s'afinèt.

Es vertadièrament lo punt mai important, d'aquí resultan una bona partida de las contrenchas presas en compte per projècte :

• botar d'ordenadors en “fons de classa” per que los escolans i pòscan accedir per far una recèrca coma dins un diccionari, una enciclopèdia (l'informatica es un esplech) ;
• perqué pas montar una sala informatica a bon prètz (lo material deu èsser disponible en quantitat sufisenta per de formacions “magistralas”) ;
• permetre de metre en plaça sens obligar una segurizacion de la sala (material sens valor correnta) ;
• trobar sos documents e logicial dempuèi quin ordenador que siá dins l'escòla (comenci a picar un tèxte sus l'ordenador A e lo pòdi acabar sus l'ordenador B, C o D) ;
• aver un environament e de logicials adaptats als utilizaires amb en particular de logicials educatius liures e dobèrts pertinents (atribucion de perfil per defaut sens installacion)
• evitar que los ordenadors foncionen pas a causa d'una error de manipulacion (volontària o non) d'un utilizaire (l'ensenhaire es pas fach per tornar installar los ordenadors cada 3 jorns) ;
• trobar una solucion per resistir als viruses ;
• evitar que los menors s'enfrenten a de contengut violent, racist, pornografic o autre (filtrar çò que ven d'Internet) ;
• partejar de fichièrs amb d'autres utilizaires de la ret ;
• partejar las ressorças (estampaira, connexion internet, torre virtuala de CD) amb d'autres utilizaires sus la ret ;
• poder publicar de documents sul sit web intèrn de l'escòla (Intranet).

Los ensenhaires son pas informaticians, es doncas a l'esplech de s'adaptar a lors besonhs e a de nivèls de competéncias eterogenèus dins l'utilizacion de las TICE :

• los logicials son pre-installats e correspondon a un nivèl de classa donat, son acompanhats d'una documentacion pedagogica ;
• cada utilizaire a un espaci de trabalh clausonat (un cartable electronic). I a pas qu'aqueste espaci que l'utilizaire pòt copar e pòt pas copar l'espaci electronic d'un autre utilizaire e encara mens lo sistèma global ;
• se un dròlle “copa” son cartable electronic, es bravament aisit de lo “reparar” per la restauracion de perfils ;
• es bravament aisit de publicar de ressorças documentàrias sul siti intranet de l'escòla, o dins los repertòris partejats ;
• los documents estocats sul servidor AbulEdu son accessibles de pertot de mercés a vòstre nom d'utilizaire e mot de pas, enclaus dempuèi Internet se l'escòla es connectada ;
• lo sistèma permet de centralizar las donadas especificas a cada utilizaire (fichièrs que apertenon a un grop, exercicis per escolan o un grop) e lors bilances d'utilizacion de logicials educatifs ;
• los utilizaires d'una ret AbulEdu pòdon escambiar simplament per corrièl en utilizant lor nom d'utilizaire coma adreça.

Una o mai d'una persona se partejan l'administracion de la ret informatica. Degun es administrator ret dins las escòlas.

• la configuracion del material e l’administracion de la ret dempuèi un navigador ;
• la possibilitat d’utilizar lo material ja existent, gestion d'une colleccion eterogenèa de maquinas coma al nivèl material que logicial ;
• la creacion automatica de l’environament de quin novèl utilizaire que siá, amb logicials e donadas (importar una tièra d'utilizaires dempuèi vòstre logicial de direccion, de gestion o autre) ;
• un accès a las ressorças diferenciat en foncion de la categoria de l’utilizaire ;
• la possibilitat de reciclar d'ordenadors vielhs dins lo limit de lors capacitats tecnicas ;
• l’insensibilitat als viruses informatics del servidor de la ret de l’escòla ;
• lo filtratge e lo parafuòc de la connexion internet de l’escòla ;
• la possibilitat d’administrar un servidor AbulEdu a distància.

Quand lo Brevet Informatique et Internet (B2i) arribèt, poguèrem verificar sulpic que la solucion informatica AbulEdu ne podiá validar cada punt.
Vòstra escòla a un ret AbulEdu ? Podètz tre ara far aquesir las competéncias del B2i a vòstres escolans !
En mai, botam a vòstra disposicion un libret B2I per vos balhar de pistas de trabalh.